नेपाली अभिनेत्री प्रियङ्का कार्कीले जेनजी पुस्ताले सोमबार काठमाडौँमा गर्न लागेको प्रदर्शनलाई ऐक्यबद्धता जनाएकी छन् । उनले आफ्नो फेसबुक पोस्टमार्फत युवा पुस्ताको यो आन्दोलनको प्रशंसा गरेकी छिन् ।
कार्कीले ‘जेनजी’ले उठाउँदै आएका मागहरूको समर्थन गर्दै अब युवा पुस्ता चुप लागेर नबस्ने बताएकी छिन् । उनले सरकारसँग नैतिक, भ्रष्टाचारमुक्त र सबैका लागि समान अवसरको माग गरेकी छन् । ‘जेनजी’ ले भ्रष्टाचार, सामाजिक सञ्जालमाथिको प्रतिबन्ध र अन्य थुप्रै बेथितिविरुद्ध आवाज उठाएकोमा उनले प्रशंसा गरेकी छिन् ।
यद्यपि, कार्कीले यो आन्दोलन व्यक्तिगत नेतृत्वबाट भइरहेको हुनाले अराजक तत्त्वहरू प्रवेश गर्न सक्ने सम्भावनाप्रति सचेत गराएकी छन् । उनले आन्दोलनमा कुनै एक नेता नभएकाले सहभागीहरूले नै परिस्थितिलाई सम्हाल्नुपर्ने र धैर्य एवं शान्तिपूर्ण तरिकाले अगाडि बढ्नुपर्नेमा जोड दिएकी छिन् ।
उनले युवाहरूलाई शुभेच्छासहित नेपालको भविष्यका लागि उठाइएको यो कदमप्रति हौसला प्रदान गरेकी छन् । उनले आफू पनि प्रदर्शनमा सहभागी हुने बताउँदै अरूलाई सहभागी हुन आह्वान गरेकी छन्
